.jpg)
.jpg)
.
.jpg)
അറ്റാദായത്തിൽ 100% കുതിപ്പ്, വരുമാനത്തിൽ 95% വർധന; ഗംഭീര പ്രകടനവുമായി ഡിക്സൺ ടെക്നോളജീസ്
മികച്ച ജൂൺ പാദഫലങ്ങളുമായി (Q1FY26) ഡിക്സൺ ടെക്നോളജീസ് (Dixon Technologies). ഇന്ത്യയിലെ മുൻനിര ഇലക്ട്രോണിക്സ് മാനുഫാക്ചറിങ് കമ്പനിയാണിത്. ഒന്നാം പാദത്തിൽ കമ്പനിയുടെ അറ്റാദായം 280 കോടി രൂപയാണ്. ഇത് കഴിഞ്ഞ വർഷം സമാന പാദത്തിലെ 140 കോടി രൂപയേക്കാൾ 100% വർധനവാണ്. കമ്പനിയുടെ ആകെ പ്രവർത്തന വരുമാനം സമാന കാലയളവിൽ 6,580 കോടി രൂപയിൽ നിന്ന് 12,836 കോടി രൂപയിലേക്ക് 95% വർധനയും നേടി. കമ്പനിയുടെ EBITDA (Earnings Before Interest, Taxes, Depreciation and Amortisation) 482 കോടി രൂപയായിട്ടാണ് വർധിച്ചത്. EBITDA മാർജിൻ 3.8% ഉയർച്ചയും നേടി.
കൂടുതൽ നേട്ടം നൽകിയ സെഗ്മെന്റ്
കമ്പനിയുടെ മൊബൈൽ, മറ്റ് EMS ഡിവിഷനുകൾ എന്നിവയുടെ മികച്ച പ്രകടനമാണ് ജൂൺ പാദത്തിലെ നേട്ടത്തിന് കാരണം. ഈ സെഗ്മെന്റ് വാർഷികാടിസ്ഥാനത്തിൽ 5,192 കോടി രൂപയിൽ നിന്ന് 11,663 കോടി രൂപയിലേക്ക് 125% കുതിപ്പാണ് നടത്തിയത്. മൊബൈൽ സെഗ്മെന്റിലെ ഓപ്പറേറ്റിങ് പ്രൊഫിറ്റ് സമാന കാലയളവിൽ 171 കോടി രൂപയിൽ നിന്ന് 395 കോടിയിലേക്ക് 131% കുതിപ്പ് നടത്തി. കമ്പനിയുടെ ആകെ വരുമാനത്തിന്റെ 91% ഈ സെഗ്മെന്റുകളാണ് നൽകിയിരിക്കുന്നത്
മറ്റ് ചില സെഗ്മെന്റുകൾ
എൽ.ഇ.ഡി ടെലിവിഷനുകൾ, റഫ്രിജറേറ്ററുകൾ എന്നിവയുടെ ഉൾപ്പെടെ നിർമാണം നടത്തുന്ന കൺസ്യൂമർ ഇലക്ട്രോണിക്സ് ബിസിനസ് പക്ഷെ ജൂൺ പാദത്തിൽ മോശം പ്രകടനമാണ് കാഴ്ച്ച വെച്ചത്. വാർഷികാടിസ്ഥാനത്തിൽ ഈ സെഗ്മെന്റിലെ വരുമാനം 21% താഴ്ച്ച നേരിട്ട് 672 കോടി രൂപയിലെത്തി. അതേ സമയം ഈ സെഗ്മെന‍ന്റിലെ ഓപ്പറേറ്റിങ് പ്രൊഫിറ്റ് സമാന കാലയളവിൽ 29 കോടി രൂപയിൽ നിന്ന് 38% വർധന നേടി 40 കോടി രൂപയിലേക്ക് എത്തിയിട്ടുണ്ട്.
കമ്പനിയുടെ ആകെ വരുമാനത്തിലേക്ക് ഈ സെഗ്മെന്റ് 5% സംഭാവനയാണ് നൽകിയത്. ഹോം അപ്ലയൻസസ് സെഗ്മെന്റിലെ വരുമാനം വാർഷികാടിസ്ഥാനത്തിൽ 3% വർധിച്ചപ്പോൾ, ലൈറ്റിങ് പ്രൊഡക്ട് സെഗ്മെന്റിലെ വരുമാനം 17% ഇടിവ് നേരിട്ടു.
ഡിക്സൺ ടെക്നോളജീസ് - ഓഹരി
2025 ജൂലൈ 23 ബുധനാഴ്ച്ച, ഡിക്സൺ ടെക്നോളജീസ് ഓഹരികൾ 2.75% ഉയർന്ന് 16,556 രൂപയിലാണ് ക്ലോസിങ് നടത്തിയിരിക്കുന്നത്. കഴിഞ്ഞ ഒരു വർഷത്തിൽ ഈ മിഡ്ക്യാപ് ഓഹരി 41.91% നേട്ടമാണ് നിക്ഷേപകർക്ക് നൽകിയിട്ടുള്ളത്. അതേ സമയം കഴിഞ്ഞ ഒരു മാസത്തിൽ മാത്രം ഈ ഓഹരി 10.58% ലാഭവും നൽകിയിട്ടുണ്ട്. ഓഹരിയുടെ 52 ആഴ്ച്ചകളിലെ ഉയർച്ച/താഴ്ച്ച യഥാക്രമം 10,620/19,148.90 രൂപ എന്നിങ്ങനെയാണ്.
ഓഹരി പങ്കാളിത്തം
ലഭ്യമായ ഏറ്റവും പുതിയ വിവരങ്ങൾ പ്രകാരം വിദേശ നിക്ഷേപകർക്ക് 21.81% പങ്കാളിത്തമാണ് ഈ കമ്പനിയിലുള്ളത്. മ്യൂച്വൽ ഫണ്ടുകൾ 17.20% ഓഹരികൾ ഹോൾഡ് ചെയ്യുന്നു. ഇത്തരത്തിൽ ഇൻസ്റ്റിറ്റ്യൂഷനുകൾ മാത്രം 39.01% ഓഹരികൾ കൈവശം വെച്ചിരിക്കുന്നു. പ്രമോട്ടർ 32.27%, റീടെയിൽ നിക്ഷേപകർ 22.85%, മറ്റുള്ളവർ 5.87% എന്നിങ്ങനെയാണ് ഓഹരി പങ്കാളിത്തം
വിവരങ്ങൾ സമാഹരിച്ചത് malayalam.economictimes.com ൽ നിന്നും
Article credits goes to malayalam.economictimes.com
Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല
.jpg )
.jpg )
.jpg )
.jpg )
Recent Post
.jpg)
.jpg)
.jpg)
.jpg)
.jpg)
Categories
Advertisements
Comment Form