ആകെ 57 രൂപ ലാഭവിഹിതം പ്രഖ്യാപിച്ച് കമ്പനി

Rajesh EA
13 Jan 2026

ഇന്ത്യയിലെ ഏറ്റവും വലിയ ഐ.ടി കമ്പനിയായ ടാറ്റ കൺസൾട്ടൻസി സർവീസസ് (TCS) നടപ്പ് സാമ്പത്തിക വർഷത്തിലെ ഡിസംബർ പാദഫലങ്ങൾ (Q3FY26) പ്രഖ്യാപിച്ചു. കമ്പനിയുടെ അറ്റാദായം YoY അടിസ്ഥാനത്തിൽ 13.91% ഇടിവ് രേഖപ്പെടുത്തി. കഴിഞ്ഞ വർഷം ഡിസംബർ പാദത്തിൽ 12,380 കോടി രൂപയായിരുന്ന അറ്റാദായം ഇത്തവണ 10,657 കോടി രൂപയിലേക്കാണ് താഴ്ന്നത്.

ഇക്കാലയളവിൽ കമ്പനിയുടെ വരുമാനം 63,973 കോടി രൂപയിൽ നിന്ന് 4.86% ഉയർന്ന് 67,087 കോടിയായി മാറി. തൊട്ടു മുമ്പത്തെ സെപ്റ്റംബർ പാദവുമായി താരതമ്യപ്പെടുത്തുമ്പോൾ ഇത് 1.95% ഉയർച്ചയാണ്. കമ്പനി നിലവിൽ ഇടക്കാല-പ്രത്യേക ലാഭവിഹിതങ്ങളും പ്രഖ്യാപിച്ചിട്ടുണ്ട്

തൊട്ടു മുമ്പത്തെ 2025 സെപ്റ്റംബർ പാദവുമായി താരതമ്യപ്പെടുത്തുമ്പോൾ കമ്പനിയുടെ അറ്റാദായത്തിൽ 11.74% താഴ്ച്ചയാണുള്ളത്. ഈ ഡിസംബർ പാദത്തിൽ 3,391 കോടി രൂപ എന്ന തോതിൽ ചിലവ് (Total exceptional expenses) വർധിച്ചത് ലാഭത്തെ നെഗറ്റീവായി ബാധിച്ചു. 2025 സെപ്റ്റംബർ പാദത്തിൽ ഇത് 1,135 കോടി രൂപ എന്ന നിലയിലായിരുന്നു.

Open A Free Demat Account Online

ലാഭവിഹിതം

ടി.സി.എസ് നിലവിൽ ഇടക്കാല ലാഭവിഹിതമായി ഓഹരിയൊന്നിന് 11 രൂപയും, സ്പെഷ്യൽ ഡിവിഡന്റായി ഓഹരിയൊന്നിന് 46 രൂപയും പ്രഖ്യാപിച്ചിട്ടുണ്ട്. ഈ രണ്ട് തരം ലാഭവിഹിതവും 2026 ഫെബ്രുവരി 3ാം തിയ്യതി വിതരണം ചെയ്യും. ഇതിനുള്ള റെക്കോർഡ് തിയ്യതി 2026 ജനുവരി 17ാം തിയ്യതിയാണ്.

Watch YouTube Channel Video

മാനേജ്മെന്റ് പറയുന്നത്

2025 സെപ്റ്റംബർ പാദത്തിലെ വളർച്ചയുടെ മൊമന്റം ഡിസംബർ പാദത്തിലും തുടർന്നതായി കമ്പനി സി.ഇ.ഒ & എം.ഡി ക. കൃതിവാസൻ പറഞ്ഞു. ലോകത്തെ ഏറ്റവും വലിയ എ.ഐ ടെക്നോളജി സർവീസസ് കമ്പനിയായി മാറുക എന്ന ലക്ഷ്യത്തിലേക്ക് ടി.സി.എസ് സ്ഥിരതയോടെ മുന്നേറുകയാണ്. നിലവിൽ കമ്പനി,.ഐ സർവീസുകളിലൂടെ 1.8 ബില്യൺ ഡോളറുകളുടെ വാർഷിക വരുമാനം നേടുന്നു. ഈ മേഖലയിൽ ഇൻഫ്രാസ്ട്രക്ചർ മുതൽ ഇന്റലിജൻസ് വരെയുള്ള സമഗ്രമായ സേവനങ്ങളാണ് തങ്ങൾ നൽകുന്നതെന്നും അദ്ദേഹം പറഞ്ഞു

Open A Free Mutual Fund Account Online

ടി.സി.എസ് ഓഹരികൾ

തിങ്കളാഴ്ച്ച 0.99% ഉയർച്ചയോടെ 3,239.60 രൂപയിലാണ് ടി.സി.എസ് ഓഹരികൾ ക്ലോസിങ് നടത്തിയത്. കഴിഞ്ഞ ഒരു വർഷത്തിൽ -24.8% എന്ന തോതിൽ നെഗറ്റീവ് റിട്ടേണാണ് ഓഹരി നൽകിയത്. കമ്പനിയുടെ നിലവിലെ മാർക്കറ്റ് ക്യാപ് 11,72,116 കോടി രൂപയാണ്.

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.