.jpg)
.jpg)
6 മ്യൂച്വല്‍ഫണ്ടുകള്‍ പൂര്‍ണമായും ഒഴിവാക്കിയ 9 മിഡ്ക്യാപുകള്‍; ടാറ്റ മുതല്‍ റെയില്‍വേ ഓഹരി വരെ
ഇന്ത്യന്‍ ഓഹരി വിപണികള്‍ കടുത്ത സമ്മര്‍ദം നേരിടുന്ന സമയമാണിത്. ആഗോള വിപണികള്‍ തീര്‍ത്തും പിടിതരാതെ നീങ്ങുന്നു. ട്രംപിന്റെ നയങ്ങള്‍, സ്വര്‍ണ്ണത്തിന്റെ കുതിപ്പ്, വിദേശ നിക്ഷേപകരുടെ പിന്‍മാറ്റം, നിറംമങ്ങിയ പാദഫലങ്ങള്‍ തുടങ്ങി പ്രശ്‌നങ്ങള്‍ അനവധിയാണ്. പ്രാദേശിക നിക്ഷേപകര്‍ സെല്‍ ഓണ്‍ റൈസ് തന്ത്രം പിന്തുടരുന്നു. അതിനാല്‍ തന്നെ സൂചികകള്‍ക്ക് നേട്ടം ആവര്‍ത്തിക്കാന്‍ സാധിക്കുന്നില്ല. ഇതിനിടെ മ്യൂച്വല്‍ഫണ്ടുകളും തന്ത്രങ്ങള്‍ മാറ്റുന്നുവെന്നാണു പുതിയ റിപ്പോര്‍ട്ടുകള്‍ വ്യക്തമാക്കുന്നത്.
ജനുവരിയില്‍ ആറോളം മൂച്വല്‍ഫണ്ടുകള്‍ 9 മിഡ് ക്യാപ് ഓഹരികളെ പൂര്‍ണമായും കൈയ്യൊഴിഞ്ഞുവെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. ഇവര്‍ ഓഹരികളിലെ നിക്ഷേപങ്ങള്‍ പൂര്‍ണമായും വിറ്റൊഴിഞ്ഞു. ടാറ്റ മുതല്‍ റെയില്‍വേ ഓഹരികള്‍ വരെയുള്ള നിക്ഷേപ പ്രിയ ഓഹരികളാണിവ എന്നതാണ് ശ്രദ്ധേയം. നുവാമ അള്‍ട്ടര്‍നേറ്റീവും, ക്വാണ്ടിറ്റേറ്റിവ് റിസര്‍ച്ചും പ്രകാരമുള്ള വിവരങ്ങളാണു താഴെ നല്‍കുന്നത്.
എച്ച്ഡിഎഫ്‌സി മ്യൂച്വല്‍ഫണ്ട്
ഒരു ഓഹരിയാണ് ജനുവരിയില്‍ മ്യൂച്വല്‍ഫണ്ട് പോര്‍ട്ട്‌ഫോളിയോയില്‍ നിന്നു പൂര്‍ണമായും ഒഴിവാക്കിയിരിക്കുന്നത്. അത് ടാറ്റ കെമിക്കല്‍സ് (Tata Chemicals Ltd) ആണ്. 37.17 ലക്ഷം ഓഹരികള്‍ വിറ്റൊഴിഞ്ഞു. ഒരു മാസത്തിനിടെ ഓഹരി 12.88% ഇടിഞ്ഞു.
എസ്ബിഐ മ്യൂച്വല്‍ഫണ്ട്
ജനുവരിയില്‍ ഒരു ഓഹരിയെ പൂര്‍ണമായും ഫണ്ട് ഒഴിവാക്കിയിട്ടുണ്ട്. പെര്‍സിസ്റ്റന്റ് സിസ്റ്റംസ് (Persistent Systems Ltd) ആണ് ഓഹരി. 1.52 ലക്ഷം ഓഹരികളാണ് വിറ്റഴിച്ചത്. ഒരു മാസത്തിനിടെ ഓഹരി 8.64% ഇടിഞ്ഞു.
ആക്‌സിസ് മ്യൂച്വല്‍ഫണ്ട്
ടാറ്റ ടെക്‌നോളജീസിനെ (Tata Technologies Ltd) ആണ് ആക്‌സിസ് മ്യൂച്വല്‍ഫണ്ട് ജനുവരിയില്‍ പോര്‍ട്ട്‌ഫോളിയോയില്‍ നിന്ന് തുടച്ചുമാറ്റിയത്. 5.64 ലക്ഷം ഓഹരികള്‍ ഒഴിവാക്കി. ഒരു മാസത്തിനിടെ ഓഹരി 8.74% ഇടിഞ്ഞു.
നിപ്പോണ്‍ ഇന്ത്യ മ്യൂച്വല്‍ഫണ്ട്
2 ഓഹരികളെ ഫണ്ട് ജനുവരിയില്‍ പൂര്‍ണമായും കൈയ്യൊഴിഞ്ഞിട്ടുണ്ട്. സീ എന്റര്‍ടെയിന്‍മെന്റ് (Zee Entertainment Enterprises Ltd), ഐആര്‍സിടിസി (IRCTC) എന്നിവയാണ് ഈ ഓഹരികള്‍. സീയുടെ 1.78 കോടി ഓഹരികളും, ഐആര്‍സിടിസിയുടെ 7.64 ലക്ഷം ഓഹരികളും വിറ്റു. ഒരു മാസത്തിനിടെ സീ ഓഹരികള്‍ 21.58 ശതമാനവും, ഐആര്‍സിടിസി ഓഹരികള്‍ 4.14 ശതമാനവും ഇടിഞ്ഞു.
ക്വാണ്ട് മ്യൂച്വല്‍ഫണ്ട്
മൂന്ന് ഓഹരികളിലെ നിക്ഷേപം ജനുവരിയില്‍ ഫണ്ട് പൂര്‍ണമായും വിറ്റൊഴിഞ്ഞു. പൂനവാല ഫിന്‍കോര്‍പ് (Poonawalla Fincorp Ltd), രാംകോ സിമെന്റ്‌സ് (The Ramco Cements Ltd), ഗ്ലാന്‍ഡ് ഫാര്‍മ (Gland Pharma Ltd) എന്നിവയാണ് ഓഹരികള്‍. പൂനവാലയുടെ 1.47 കോടി ഓഹരികളും, രാംകോയുടെ 9.94 ലക്ഷം ഓഹരികളും, ഗ്ലാന്‍ഡിന്റെ 10.58 ലക്ഷം ഓഹരികളും കൈയ്യൊഴിഞ്ഞു. പൂനവാല ഒരു മാസത്തിനിടെ ഓഹരി 8.14% ഇടിഞ്ഞു. രാംകോ 7.94%, ഗ്ലാന്‍ഡ് ഫാര്‍മ 12.88% ഇടിഞ്ഞു.
ഐസിഐസിഐ പ്രുഡന്‍ഷ്യല്‍ മ്യൂച്വല്‍ഫണ്ട്
ജനുവരിയില്‍ ഒരു ഓഹരിയെ ആണ് ഐസിഐസിഐ ഫണ്ട് ഒഴിവാക്കിയത്. ഇന്ത്യന്‍ ഹോട്ടല്‍സ് (Indian Hotels Company Ltd) ആണ് ആ ഓഹരി. 7.34 ലക്ഷം ഓഹരികളാണ് വിറ്റഴിച്ചത്. ഒരു മാസത്തിനിടെ ഓഹരി 12.51% ഇടിഞ്ഞു.
Disclaimer :മുകളില്‍ പറഞ്ഞ കാര്യങ്ങള്‍ നിലവില്‍ ലഭ്യമായ വസ്തുതകള്‍ അടിസ്ഥാനമാക്കിയാണ്. ഇത് ഓഹരി വാങ്ങാനോ, ഒഴിവാക്കാനോ ഉള്ള നിര്‍ദേശമല്ല. നിക്ഷേപകരുടെ അറിവിലേക്കായാണ്. ഓഹരി നിക്ഷേപങ്ങള്‍ വിപണികളിലെ ലാഭ- നഷ്ട സാധ്യതകള്‍ക്കു വിധേയമാണ്. അതിനാല്‍ നിക്ഷേപങ്ങള്‍ സ്വന്തം ഉത്തരവാദിത്വത്തില്‍ വേണം.
Related Post
.jpg )
.jpg )
Recent Post
.jpg)
.jpg)
Categories
Advertisements
Comment Form