ഇന്ന് സ്റ്റോക്ക് മാർക്കറ്റിൽ അറിഞ്ഞിരിക്കേണ്ട 10 കാര്യങ്ങൾ

RAJESH E A
26 May 2025

വാരത്തിന്റെ അവസാനം, വെള്ളിയാഴ്ച്ച വ്യാപാരം അവസാനിക്കുമ്പോൾ ഓഹരി വിപണി സൂചികകൾ മികച്ച നേട്ടത്തിലാണ് ക്ലോസ് ചെയ്തത്. നിഫ്റ്റി 0.99%, സെൻസെക്സ് 0.95% എന്നിങ്ങനെ ഉയർച്ച നേടി. സെക്ടറുകളിൽ 1.6% ഉയർച്ചയോടെ നിഫ്റ്റി എഫ്.എം.സി.ജി കൂടുതൽ നേട്ടമുണ്ടാക്കിയപ്പോൾ, നിഫ്റ്റി ഫാർമ 0.4% താഴ്ന്ന് കൂടുതൽ ഇടിവുള്ള സെക്ടറായി മാറി.

നാലാം പാദഫലങ്ങൾ (Q4 Results)

ജെ.എസ്.ഡബ്ല്യു സ്റ്റീൽ : കമ്പനിയുടെ അറ്റാദായം, ഇക്കഴിഞ്ഞ 2025 മാർച്ച് പാദത്തിൽ YoY അടിസ്ഥാനത്തിൽ 1,322 കോടിയിൽ നിന്ന് 13.5% ഉയർന്ന് 1,501 കോടി രൂപയിലെത്തി. സമാന കാലയളവിൽ വരുമാനം 46,269 കോടിയിൽ നിന്ന് 3.1% താഴ്ന്ന് 44,819 കോടി രൂപയിലെത്തി. കമ്പനി ഓഹരിയൊന്നിന് 2.80 രൂപ ലാഭവിഹിതം നൽകാൻ തീരുമാനിച്ചിട്ടുണ്ട്. 2025 ജൂലൈ 28 ആണ് ഇതിനുള്ള റെക്കോർഡ് തിയ്യതിയായി നിശ്ചയിച്ചിട്ടുള്ളത്.

അശോക് ലെയ്ലാൻഡ് : ഹിന്ദുജ ഗ്രൂപ്പിന്റെ ഫ്ലാഗ്ഷിപ്പ് കമ്പനിയായ അസോക് ലെയ്ലാൻഡ് കമ്പനിയുടെ ചരിത്രത്തിലെ തന്നെ ഉയർന്ന ബിസിനസ് പ്രകടനമാണ് നടത്തിയിരിക്കുന്നത്. കമ്പനിയുടെ അറ്റാദായത്തിൽ YoY അടിസ്ഥാനത്തിൽ 38.4% വർധനയുണ്ട്. ഇത്തരത്തിൽ 900.41 കോടി രൂപയിൽ നിന്ന് 1.245.87 കോടിയിലേക്കാണ് ഉയർച്ച. സമാന കാലയളവിൽ പ്രവർത്തന വരുമാനം 11,266.69 കോടിയിൽ നിന്ന് 5.68% ഉയർന്ന് 11,906.71 കോടി രൂപയിലെത്തി. കമ്പനി ഓഹരിയൊന്നിന് 4.25 രൂപ ലാഭവിഹിതം, 1:1 അനുപാതത്തിൽ ബോണസ് ഇഷ്യു എന്നിവയും പ്രഖ്യാപിച്ചിട്ടുണ്ട്.

നിഫ്റ്റി വിശകലനം (Nifty Analysis)

21 ദിന EMA നിലവാരത്തിൽ നിന്ന് പിന്തുണ നേടി, വെള്ളിയാഴ്ച്ച നിഫ്റ്റി ഉയർച്ച കൈവരിച്ചെന്ന് എൽ.കെ.പി സെക്യൂരിറ്റീസ് സീനിയർ ടെക്നിക്കൽ അനലിസ്റ്റ് രൂപക് ദേ പറഞ്ഞു. അതേ സമയം വിശാലമായി നോക്കുമ്പോൾ സൂചിക 24,700-25,000 എന്ന നിലവാരത്തിൽ കൺസോളിഡേറ്റ് ചെയ്യുന്നതായി കാണാം.

ഹ്രസ്വകാലാടിസ്ഥാനത്തിൽ വിപണിയിൽ പോസിറ്റീവ് ട്രെൻഡാണുള്ളത്. നിഫ്റ്റി 25,000 നിലവാരം മറികടക്കാനുള്ള സാധ്യതകളുണ്ട്. ഈ നിലവാരത്തിന് മുകളിലേക്ക് മികച്ച ബ്രേക്കൗട്ട് ലഭിച്ചാൽ കാളകൾക്ക് മേധാവിത്തം ലഭിക്കുകയും, സൂചിക 25,250-25,350 നിലവാരങ്ങൾ വരെ റാലി നടത്തുകയും ചെയ്യാം. താഴെ നിലകളിൽ സൂചികയ്ക്ക് 24,700 പോയിന്റിലാണ് പിന്തുണയുള്ളത്. ഇവിടെ നിന്ന് ബ്രേക്ക് ഡൗൺ സംഭവിച്ചാൽ ബെയറിഷ് ട്രെൻഡ് ഉണ്ടാകാൻ സാധ്യതയുള്ളതായും അദ്ദേഹം പറഞ്ഞു.

മെയ് 23 വിപണി (May 23 Market)

ബി.എസ്.ഇ സെൻസെക്സ് സൂചിക 769.09 പോയിന്റുകൾ (0.95%) ഉയർന്ന് 81,721.08 പോയിന്റുകളിൽ ക്ലോസ് ചെയ്തു

നിഫ്റ്റി 50 സൂചിക 243.45 പോയിന്റുകൾ (0.99%) കയറി 24,853.15 പോയിന്റുകളിലെത്തി

നിഫ്റ്റി ബാങ്ക് സൂചിക 456.95 പോയിന്റുകൾ (0.83%) ഉയർന്ന് 55,398.25 പോയിന്റുകളിൽ ട്രേഡിങ് അവസാനിപ്പിച്ചു

ഇന്ത്യാ വിക്സ് 0.10% ഉയർന്ന് 17.28 എന്ന നിലവാരത്തിലാണ്

കൂടുതൽ ലാഭം നേടിയ 10 ഓഹരികൾ (Top 10 Gainers)

1. എയ്ഞ്ചൽ വൺ

2. ഹിന്ദുസ്ഥാൻ കോപ്പർ

3. ബി.എസ്.ഇ

4. വരുൺ ബീവറേജസ്

5. മാക്സ് ഫിനാൻഷ്യൽ

6. എറ്റേണൽ

7. ഐ.സി.ഐ.സി.ഐ പ്രുഡൻഷ്യൽ

8. എച്ച്.ഡി.എഫ്.സി ലൈഫ്

9. എച്ച്.എഫ്.സി.എൽ

10. ഭെൽ

കൂടുതൽ നഷ്ടം നേരിട്ട 10 ഓഹരികൾ (Top 10 Losers)

1. ജി.എം.ആർ എയർപോർട്സ്

2. കണ്ടയ്നർ കോർപ്പറേഷൻ

3. സൺ ഫാർമ

4. എൻ.എച്ച്.പി.സി

5. ഹിന്ദുസ്ഥാൻ എയ്റോനോട്ടിക്സ്

6. ജൂബിലന്റ് ഫുഡ്

7. ആദിത്യ ബിർള ഫാഷൻ

8. കമ്മിൻസ് ഇന്ത്യ

9. ടൊറന്റ് ഫാർമ

10. പോളിക്യാബ്

മാർക്കറ്റ് ഡാറ്റ (Market Statistics)

മെയ് 23 വെള്ളിയാഴ്ച്ച നാഷണൽ സ്റ്റോക്ക് എക്സ്ചേഞ്ചിൽ ആകെ 2,947 ഓഹരികൾ ട്രേഡ് ചെയ്യപ്പെട്ടു. ഇവയിൽ 1,731 ഓഹരികൾ നേട്ടത്തിലും,1,132 ഓഹരികൾ നഷ്ടത്തിലും ട്രേഡിങ് ക്ലോസ് ചെയ്തു. 84 ഓഹരികളുടെ വില മാറ്റമില്ലാതെ നിന്നു. 93 ഓഹരികൾ അപ്പർ സർക്യൂട്ട് നിലവാരത്തിൽ എത്തിയപ്പോൾ, 48 ഓഹരികൾ ലോവർ സർക്യൂട്ടിലെത്തി.

52 ആഴ്ച്ചകളിലെ ഉയരം (52 Week High)

1. മാക്സ് ഫിനാൻഷ്യൽ

2. എച്ച്.ഡി.എഫ്.സി ലൈഫ്

3. സോളാർ ഇൻഡസ്ട്രീസ്

4. ഇ.ഐ.ഡി പാരി

5. ഡാൽമിയ ഭാരത്

6. എം.ആർ.എഫ്

7. ഗാർഡൻ റീച്ച് ഷിപ് ബിൽഡേഴ്സ്

8. ഭാരത് ഇലക്ട്രോണിക്സ്

9. എ.പി.എൽ അപ്പോളോ

10. ഭാരത് ഡൈനാമിക്സ്

11. ഹിറ്റാച്ചി എനർജി

52 ആഴ്ച്ചകളിലെ താഴ്ച്ച (52 Week Low)

ആദിത്യ ബിർള ഫാഷൻ

നിഫ്റ്റിയിലെ സെക്ടറുകൾ (Nifty Sectors)

നിഫ്റ്റിയിലെ സെക്ടറുകളിൽ ഫാർമ, ഹെൽത്ത് കെയർ എന്നിവ മാത്രമാണ് വെള്ളിയാഴ്ച്ച നഷ്ടം നേരിട്ടത്

രൂപ/ഡോളർ (Rupee/Dollar)

ഡോളറിനെതിരായ വിനിമയ മൂല്യത്തിൽ രൂപ 0.86% ഉയർന്ന് 85.22 എന്ന നിലവാരത്തിലാണ്

വിദേശ നിക്ഷേപകർ/ആഭ്യന്തര നിക്ഷേപകർ (FIIs/DIIs)

2025 മെയ് 23 വെള്ളിയാഴ്ച്ച വിദേശ നിക്ഷേപകർ 1,794.59 കോടി രൂപയുടെയും, ആഭ്യന്തര നിക്ഷേപകർ 299.78 കോടിയുടെയും ഓഹരികൾ അറ്റവാങ്ങൽ നടത്തി. മെയ് 23 വരെ ഈ മാസം വിദേശ നിക്ഷേപകരും, ആഭ്യന്തര നിക്ഷേപകരും യഥാക്രമം 12,191.61 കോടിയുടെ ഓഹരികളും, 34,497.56 കോടി രൂപയുടെ ഓഹരികളും അറ്റവാങ്ങൽ നടത്തി

വിവരങ്ങൾ സമാഹരിച്ചത് ദി ഇക്കണോമിക് ടൈംസ് മലയാളം ത്തിൽ നിന്നും

Article credits goes to The Economic Times Malayalam

Disclaimer അറിയിപ്പ് : അറിയിപ്പ്: മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.