വിദേശ നിക്ഷേപകരെ ആകർഷിക്കാൻ നടപടികൾ ഉണ്ടായേക്കും

Rajesh EA
24 Jan 2026

കേന്ദ്ര ബജറ്റ് അവതരണത്തിന് ഇനി ഏതാനും ദിവസങ്ങൾ മാത്രമാണ് ബാക്കി നിൽക്കുന്നത്. 2026 ഫെബ്രുവരി 1ാം തിയ്യതി ഞായറാഴ്ച്ച രാവിലെ 11ന് കേന്ദ്ര ധനമന്ത്രി നിർമലാ സീതാരാമൻ ബജറ്റ് അവതരണം നടത്തും. ഇവിടെ ബജറ്റുമായി ബന്ധപ്പെട്ട് ബ്രോക്കിങ്/റിസർച്ച് ഹൗസുകൾ പ്രതീക്ഷിക്കുന്ന ചില പ്രഖ്യാപനങ്ങളെക്കുറിച്ചാണ് വിശദമാക്കുന്നത്

മോർഗൻ സ്റ്റാൻലി

ഇത്തവണത്തെ കേന്ദ്ര ബജറ്റ് ധനക്കമ്മി കുറയ്ക്കുന്ന നയങ്ങൾക്ക് ഊന്നൽ നൽകിയേക്കാം. സർക്കാരിന്റെ മൂലധനച്ചിലവ്, കടബാധ്യതകൾ, ക്യാപിറ്റൽ മാർക്കറ്റ് പരിഷ്ക്കാരങ്ങൾ, വിദേശ ഫണ്ടുകളുടെ പ്രവാഹത്തിന് അനുകൂലമായ നടപടികൾ എന്നിവ പ്രതീക്ഷിക്കുന്നു.

Open A Free Demat Account Online

വളർച്ച ഉറപ്പാക്കുന്ന ഉയർന്ന മൂലധനച്ചിലവ്, മാനുഫാക്ചറിങ്ങുമായി ബന്ധപ്പെട്ട് ഉയർന്ന നികുതി ഇളവുകൾ തുടങ്ങിയവയും നടപ്പായേക്കാം. ജി.ഡി.പിയുടെ 3.5% വരെ ക്യാപെക്സാണ് പ്രവചിക്കുന്നത്.

സെക്ടറുകൾ പരിഗണിക്കുമ്പോൾ അഗ്രിക്കൾച്ചർ, ഹൗസിങ്, ഡിഫൻസ്, ഇലക്ട്രോണിക്സ്, ടെക്സ്റ്റൈൽസ്, ലെതർ ഗുഡ്സ്, ഫുഡ് പ്രൊസസിങ് എന്നിവയ്ക്ക് മുൻഗണന ലഭിച്ചേക്കും

വിദേശ നിക്ഷേപകരുടെ സമീപ കാലത്തായുള്ള വിറ്റഴിക്കൽ കുറയ്ക്കാനും, അവരെ ഇന്ത്യൻ വിപണിയിലേക്ക് ആകർഷിക്കാനുമുള്ള നീക്കങ്ങൾ ക്യാപിറ്റൽ മാർക്കറ്റുമായി ബന്ധപ്പെട്ട് പ്രതീക്ഷിക്കുന്നു. ബൈ ബാക്ക് ടാക്സേഷന്റെ ലാളിത്യവൽക്കരണവും നടപ്പാകാൻ സാധ്യതയുണ്ട്.

Watch YouTube Channel Video

കനറാ റൊബേക്കോ അസറ്റ് മാനേജ്മെന്റ് കമ്പനി

ബജറ്റുമായി ബന്ധപ്പെട്ട പ്രതീക്ഷകൾ പരിമിതമാണ്. സമീപ വർഷങ്ങളിൽ ബജറ്റ് സ്റ്റോക്ക് മാർക്കറ്റിനെ വലിയ തോതിൽ സ്വാധീനിക്കുമെന്ന തോന്നലുണ്ടായെങ്കിലും അപൂർവമായി മാത്രമാണ് പ്രധാന മാറ്റങ്ങൾ സംഭവിച്ചത്.

ടാക്സേഷൻ, സ്ട്രാറ്റജിക് ആയ തീരുമാനങ്ങൾ തുടങ്ങിയവ ബജറ്റിന് പുറത്താണ് നടക്കാറുള്ളത്. ഉദാഹരണത്തിന് ലൈഫ് ഇൻഷുറൻസ് സംബന്ധിച്ച ടാക്സേഷനിൽ തീരുമാനം വന്നു കഴിഞ്ഞു.

മ്യൂച്വൽ ഫണ്ടുമായി ബന്ധപ്പെട്ട നികുതികളിൽ മാറ്റം വരാൻ സാധ്യതകൾ കുറവാണ്. അതേ സമയം പ്രതിരോധ മേഖലയിൽ നിലവിലെ ജിയോ-പൊളിറ്റിക്കൽ സാഹചര്യത്തിൽ മൂലധനച്ചിലവ് വർധിക്കാനാണ് സാധ്യത. ഡിമാൻഡ് ദുർബലമായ സാഹചര്യത്തിൽ സർക്കാരിന്റെ മൂലധനച്ചിലവ് നിർണായകമാണ്.

Open A Free Mutual Fund Account Online

മിറെയ് അസറ്റ് ഇൻവെസ്റ്റ്മെന്റ് മാനേജേഴ്സ് (ഇന്ത്യ) പ്രൈവറ്റ് ലിമിറ്റഡ്

സ്ഥിരതയുള്ള സാമ്പത്തിക വളർച്ചയ്ക്കായിരിക്കും സർക്കാർ ശ്രമിക്കുക. ഡെറ്റ്-ടു-ജി.ഡി.പി അനുപാതം നിലവിലെ 56% എന്ന നിലയിൽ നിന്ന് അടുത്ത 5 വർഷങ്ങൾക്കകം 50% വരെ താഴ്ത്താനുള്ള നടപടികൾ ഉണ്ടായേക്കാം. ജനകീയമായ പ്രഖ്യാപനങ്ങളേക്കാളുപരി വളർച്ചയും-ചിലവും തമ്മിലുള്ള അനുപാതം ബാലൻസ് ചെയ്യുന്ന പ്രഖ്യാപനങ്ങളാണ് കൂടുതലായി ഉണ്ടാകാൻ സാധ്യത

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.