ഒരു വർഷത്തെ ഉയർന്ന നിലയിലേക്ക് കുതിച്ച് പൊതുമേഖല ബാങ്ക്

Rajesh EA
06 Nov 2025

ഇന്ന് വിപണിയിൽ എസ് ബി ഐ ഓഹരികൾ ഒരു വർഷത്തെ ഉയർന്ന നിലയിലേക്ക് കുതിച്ചു. വിവിധ അനലിസ്റ്റുകൾ അടുത്ത 12 മാസത്തേക്കുള്ള ബാങ്കിന്റെ ടാർഗറ്റ് വില ഉയർത്തുകയും ചെയ്തിട്ടുണ്ട്. കഴിഞ്ഞ ദിവസം ബാങ്ക് പ്രഖ്യാപിച്ച പാദ ഫലങ്ങളെ വിലയിരുത്തിയാണ് ടാർഗറ്റ് വില ഉയർത്തിയിരിക്കുന്നത്. ഓഹരി 1170 രൂപ വരെ എത്തിയേക്കും എന്ന അനുമാനവുമായി അനലിസ്റ്റുകൾ രംഗത്തെത്തിയിട്ടുണ്ട്. 50 ഓളം അനലിസ്റ്റുകളാണ് ഓഹരിക്ക് കവറേജ് നൽകുന്നത്. ഇതിൽ 41 അനലിസ്റ്റുകളും ബൈ എന്ന ശുപാർശ നൽകിയിട്ടുണ്ട്. എട്ടു അനലിസ്റ്റുകൾ ഹോൾഡ് എന്ന റേറ്റിംഗ് ആണ് നൽകുന്നത്. ഒരു അനലിസ്റ്റ് മാത്രമാണ് സെൽ എന്ന റേറ്റിംഗ് നൽകിയിരിക്കുന്നത്.

Open A Free Demat Account Online

നിലവിലെ വിലയിൽ നിന്നും ചുരുങ്ങിയത് 8.6 ശതമാനത്തിന്റെ മുന്നേറ്റമാണ് അനലിസ്റ്റുകൾ ഓഹരിക്ക് പ്രതീക്ഷിക്കുന്നത്. സി എൽ എസ് എ ആണ് ഏറ്റവും ഉയർന്ന ടാർഗറ്റ് വില നൽകിയിട്ടുള്ളത്. ഓഹരി വില 1170 രൂപ വരെ എത്തുമെന്ന് കണക്കാക്കുന്നു. മുൻപ് 1050 രൂപയാണ് ടാർഗറ്റ് വില നൽകിയിരുന്നത്. എച്ച് എസ് ബി സി ആണ് അടുത്ത. ഓഹരിക്ക് ബൈ ശുപാർശ നൽകുമ്പോൾ 1100 രൂപ മറികടക്കുമെന്ന് പ്രതീക്ഷിക്കുന്നു. ഇതിനു മുൻപ് 960 രൂപയാണ് ടാർഗറ്റ് വില നൽകിയിരുന്നത്. നോമുറ ഓഹരിക്ക് ബൈ ശുപാർശ നൽകുമ്പോൾ 980 രൂപയിൽ നിന്നും 1100 രൂപയാക്കി ടാർഗറ്റ് വില ഉയർത്തിയിട്ടുണ്ട്. ജെഫേരിസ് ആണ് ഓഹരിയിൽ കവറേജ് നൽകിയിരിക്കുന്ന മറ്റൊരു ബ്രോക്കറേജ്. ജെഫേരിസ് ഓഹരി വില 1140 രൂപ വരെ എത്തുമെന്ന് കണക്കാക്കുന്നു. സിറ്റി ഓഹരിക്ക് ബൈ ശുപാർശ നൽകുമ്പോൾ 1050 രൂപയിൽ നിന്നും 1110 രൂപയിലേക്ക് എത്തുമെന്ന് കണക്കാക്കുന്നു.

Open A Free Mutual Fund Account Online

രണ്ടാം പാദ ഫലം

ബാങ്കിന്റെ സ്റ്റാൻഡ് എലോൺ അറ്റ ലാഭത്തിൽ വാർഷികാടിസ്ഥാനത്തിൽ 10 ശതമാനത്തിന്റെ വാർഷിക വളർച്ചയാണ് കൈവരിച്ചത്. ലാഭം 18331 കോടി രൂപയിൽ നിന്ന് 20160 കോടി രൂപയായി വർധിച്ചു. അറ്റ പലിശ വരുമാനം വാർഷികാടിസ്ഥാനത്തിൽ 3.3 ശതമാനത്തിന്റെ വളർച്ചയാണ് കൈവരിച്ചത്. ഈ പാദത്തിൽ 42984 കോടി രൂപയുടെ അറ്റ പലിശ വരുമാനമാണ് റിപ്പോർട്ട് ചെയ്തത്. പലിശ വരുമാനം 119654 കോടി രൂപയായി. അറ്റ പലിശ മാർജിൻ ഇത്തവണ 2.97 ശതമാനത്തിലേക്ക് കുറഞ്ഞു. കഴിഞ്ഞ വർഷം സെപ്റ്റംബർ പാദത്തിൽ 3.09 ശതമാനമാണ് പലിശ മാർജിൻ റിപ്പോർട്ട് ചെയ്തിരുന്നത്.

Watch YouTube Channel Video

ബാങ്കിന്റെ മൊത്ത വായ്പ 12 ശതമാനത്തിന്റെ വാർഷിക വളർച്ചയാണ് കൈവരിച്ചത്. അഭ്യന്തര വിപണിയിലെ വായ്പകളിൽ 12 ശതമാനത്തിന്റെ വർധനവും രേഖപ്പെടുത്തി. ആസ്തി ഗുണ നിലവാരം 40 ബേസിസ് പോയിന്റ് മെച്ചപ്പെട്ടു. മൊത്ത നിഷ്ക്രിയ ആസ്തി 1.73 ശതമാനമായി. അറ്റ നിക്ഷ്ക്രിയ ആസ്തി 11 ബേസിസ് പോയിന്റ് കുറഞ്ഞ് 0.42 ശതമാനമായി. നിലവിൽ ഓഹരി 965 രൂപയ്ക്ക് മുകളിലാണ് തുടരുന്നത്.

സപ്പോർട്ട് ആവശ്യമുണ്ടെങ്കിൽ ബന്ധപ്പെടേണ്ട നമ്പർ

80752 61549 (Whatsapp Only)

https://wa.link/9guccm

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.