മികച്ച പാദഫലം: എന്നിട്ടും വിപണിയിൽ കാലിടറി

Rajesh EA
24 Oct 2025

രണ്ടാം പാദ ഫലം മികച്ചതായിട്ടും ഓഹരി വില ഉയരുമെന്നും, കുറയുമെന്നും വ്യൂ പങ്കു വച്ച് അനലിസ്റ്റുകൾ. കൂടുമെന്ന പ്രതീക്ഷ പങ്കു വെക്കുമ്പോൾ സർവ കാല ഉയരം മറികടക്കുമെന്നാണ് കരുതുന്നത്.അതെ സമയം സെൽ ശുപാർശ നൽകുന്നത്ര നിലവിലെ വിലയിൽ നിന്നും വലിയൊരു ഇടിവാണ് പ്രതീക്ഷിക്കുന്നത്.

Open A Free Demat Account Online

ഫാർമ മേഖലയിൽ മുൻ നിരയിൽ നിൽക്കുന്ന ലോറസ് ലാബ്സ് ഓഹരികൾ ഇന്ന് ഇടിവിൽ. രണ്ടാം പാദ ഫലങ്ങൾ അനലിസ്റ്റുകളുടെ പ്രതീക്ഷയെക്കാൾ ഉയർന്നതാണെങ്കിലും ഓഹരി നഷ്ടത്തിലാണ് വ്യാപാരം ചെയ്യുന്നത്. പല പരാമീറ്ററുകളും മികച്ചതായി തന്നെ നില നിന്നിട്ടുണ്ട്. രണ്ടാം പാദത്തിൽ ലാഭത്തിൽ വൻ വർധനവാണ് രേഖപ്പെടുത്തിയിരിക്കുന്നത്. കഴിഞ്ഞ വർഷം രണ്ടാം പാദത്തിൽ 19 കോടി രൂപയുടെ ലാഭം ഉണ്ടായിരുന്ന സ്ഥാനത്ത് ഈ വർഷം ആയപ്പോഴേക്ക് 195 കോടി രൂപയായി. അതായത് ലാഭം 885 ശതമാനത്തിന്റെ മുന്നേറ്റമാണ് റിപ്പോർട്ട് ചെയ്യുന്നത്. വരുമാനത്തിൽ 35 ശതമാനത്തിന്റെ മുന്നേറ്റമാണ് റിപ്പോർട്ട് ചെയ്തിരിക്കുന്നത്. വരുമാനം 1223 കോടി രൂപയിൽ നിന്നും 1653 കോടി രൂപയായി ഉയർന്നിട്ടുണ്ട്.

Open A Free Mutual Fund Account Online

റിസൾട്ട് പ്രഖ്യാപിച്ചതിനു ശേഷം എ ആർ വി വില്പന 2500 കോടി രൂപയിലെത്തുമെന്ന് മാനേജ്‌മെന്റ് വ്യക്തമാക്കിയിട്ടുണ്ട്. ഗ്രോസ് മാർജിൻ 60 ശതമാനത്തോളം നില നിർത്താൻ കമ്പനിക്ക് സാധിച്ചിട്ടുണ്ട്. മുൻപ് നൽകിയ അനുമാനത്തേക്കാളും ഉയർന്ന മാർജിൻ കൈവരിക്കാൻ കമ്പനിക്ക് സാധിച്ചു. ആസ്തി വിറ്റു വരവ് അനുപാതത്തിലും ഒരു നേട്ടം റിപ്പോർട്ട് ചെയ്തു.

റിസൾട്ടിന്റെ അടിസ്ഥാനത്തിൽ ബ്രോക്കറേജുകൾ സമ്മിശ്ര സമീപനമാണ് നൽകിയിരിക്കുന്നത്. ജെഫേരിസ് ഓഹരിക്ക് അണ്ടർ പെർഫോം എന്ന റേറ്റിംഗ് നൽകുമ്പോൾ 700 രൂപയിലേക്ക് ടാർഗറ്റ് വില ഉയർത്തിയിട്ടുണ്ട്. എ ആർ വി വിഭാഗത്തിൽ പ്രതീക്ഷിച്ചതിലും മികച്ച പ്രകടനം കഴ്ച വക്കാൻ കമ്പനിക്ക് സാധിച്ചിട്ടുണ്ട്. എന്നാൽ സി ഡി എം ഒ വില്പനയിൽ സ്ഥിരമായ വളർച്ചയാണ് കൈവരിച്ചിരിക്കുന്നത്. അടുത്ത 8 വർഷത്തേക്ക് 600 മില്യൺ ഡോളറിന്റെ മൂലധന ചിലവ് വിനിയോഗിക്കുന്നതിനുള്ള ലക്ഷ്യമാണ് കമ്പനിക്കുള്ളത്.

Watch YouTube Channel Video

ഗോൾഡ്മാൻ സാച്ച്സ് ഓഹരിക്ക് സെൽ എന്ന റേറ്റിങ് ആണ് നൽകുന്നത്. എന്നാൽ ടാർഗറ്റ് വില 750 രൂപയിൽ നിന്നും 775 രൂപയാക്കി ഉയർത്തിയിട്ടുണ്ട്. വാല്യൂവേഷൻ ഉയർന്നാണ് തുടരുന്നത് എന്ന് ബ്രോക്കറേജ് വ്യക്തമാക്കുന്നു.

എന്നാൽ ഇതിനു വിപരീതമായി ഡാം ക്യാപിറ്റൽ ഓഹരിക്ക് ബൈ എന്ന ശുപാർശയാണ് നൽകുന്നത്. ഓഹരി വില 1083 രൂപയിലേക്ക് കുതിക്കും എന്നാണ് ഡാം ക്യാപിറ്റൽ കരുതുന്നത്. ശക്തമായ ക്യാപിറ്റൽ കടം കുറക്കുന്നതിന് സഹായിച്ചിട്ടുണ്ട്. ഡാം ക്യാപിറ്റൽ ഓഹരിയിൽ പോസിറ്റീവ് ആയ മുന്നേറ്റം ഉണ്ടാകും എന്നാണ് കരുതുന്നത്.

മോത്തിലാൽ ഒസ്വാൾ ഓഹരിക്ക് ബൈ ശുപാർശ നൽകുമ്പോൾ 1110 രൂപ വരെ എത്തും എന്നാണ് കണക്കാക്കുന്നത്. ചോയ്സ് ബ്രേക്കിംഗ് ഓഹരിക്ക് ബൈ ശുപാർശ നൽകുമ്പോൾ 1085 രൂപയാണ് ടാർഗറ്റ് വില നൽകിയിരിക്കുന്നത്.

ഓഹരി ഈ വർഷം 53 ശതമാനത്തോളം മുന്നേറ്റമാണ് കാഴ്ച വച്ചിരിക്കുന്നത്. ഓഹരിയുടെ സർവ കാല ഉയരം 944 രൂപയാണ്. ഇന്ന് വിപണിയിൽ ഇടിവിൽ തുടരുന്ന ഓഹരി 922 രൂപയിലാണ് തുടരുന്നത്.

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.