ലാഭത്തിലാണ്, എങ്കിലും സൂക്ഷിക്കണം

Rajesh EA
20 Oct 2025

അഭ്യന്തര വിപണി ദീപാവലി ആഘോഷങ്ങൾക്കു തിരി കൊളുത്തിയിരിക്കുന്നു. ഇന്ന് വിപണിയിൽ വളരെ ശക്തമായ മുന്നേറ്റമാണ് നിഫ്റ്റിയിലും, സെൻസെക്‌സിലും കാണുന്നത്. വെള്ളിയാഴ്ച റിസൾട്ട് വന്ന റിലയൻസ്, ശനിയാഴ്ച റിസൾട്ട് പ്രഖ്യാപിച്ച എച്ച് ഡി എഫ് സി ബാങ്ക്, ഐ സി ഐ സി ഐ ബാങ്ക് എന്നി ഓഹരികളാണ് ഇന്ന് നിക്ഷേപക ശ്രദ്ധ ഏറ്റവുമധികം പിടിച്ചു പറ്റിയത്. റിലയൻസ് ഓഹരികളിലുള്ള മുന്നേറ്റം നിഫ്റ്റിയെ 26000 എന്ന ലെവെലിനടുത്തേക്ക് ഉയർത്തിയിട്ടുണ്ട്. എന്നാൽ വിപണി ഇത്ര ശക്തമായി മുന്നേറുമ്പോൾ ആ നേട്ടം പ്രതിഫലിക്കാത്ത ഒരു ഓഹരിയുണ്ട്. കഴിഞ്ഞ ദിവസം റിസൾട്ട് പ്രഖ്യാപിച്ച ഡിക്‌സൺ ടെക്‌നോളജീസ് ഓഹരികളാണ് ഈ നേട്ടം നില നിർത്താനാകാത്തത്.

Open A Free Demat Account Online

രണ്ടാം പാദത്തിൽ മിന്നുന്ന ബിസിനസ് പ്രകടനം

നടപ്പു സാമ്പത്തിക വർഷത്തിന്റെ രണ്ടാം പാദത്തിൽ ഡിക്‌സൺ ടെക്ക്നോളജിസ് ഓഹരികളിൽ 81 ശതമാനത്തിന്റെ മുന്നേറ്റമാണ് ലാഭ വളർച്ചയിൽ ഉണ്ടായത്.ലാഭം 745 കോടി രൂപയായി ഉയർന്നു. എന്നാൽ ഇവിടെ അദർ ഇൻകം വർധിച്ചതാണ് ലാഭം കൂടാൻ കാരണം. വരുമാനത്തിലും കഴിഞ്ഞ വർഷത്തെ സമാന കാലയളവ് വിലയിരുത്തുമ്പോൾ 28.7 ശതമാനത്തിന്റെ വർദ്ധനവ് രേഖപ്പെടുത്തിയതായി കാണാം. എബിറ്റെട കണക്കുകളും അനുമാനങ്ങൾക്കൊത്ത് റിപ്പോർട്ട് ചെയ്യാൻ സാധിച്ചിട്ടുണ്ട്.

Open A Free Mutual Fund Account Online

അനലിസ്റ്റുകൾ പറയുന്നു

മികച്ച പാദ ഫലങ്ങൾ പുറത്തു വിട്ടിട്ടും കമ്പനിക്ക് സമ്മിശ്ര പ്രതികരണമാണ് അനലിസ്റ്റുകൾ പങ്കു വക്കുന്നത്. സി എൽ എസ് എ ഓഹരിക്ക് മുൻപ് നൽകിയിരുന്ന ബൈ എന്ന ശുപാർശയിൽ നിന്ന് ഔട്ട്പെർഫോം എന്ന റേറ്റിംഗ് ആണ് നൽകുന്നത്. ടാർഗറ്റ് വില 18800 രൂപയിയ്ക്ക് കുറക്കുകയും ചെയ്തിട്ടുണ്ട്. അതായത് നിലവിലെ വിലയിൽ നിന്നും 13 ശതമാനത്തിന്റെ മുന്നേറ്റമാണ് പ്രതീക്ഷിക്കുന്നത്. 2027 സാമ്പത്തിക വർഷം ആകുമ്പോഴേക്കും കമ്പനിയുടെ സ്മാർട്ട് ഫോൺ വോളിയത്തിൽ 40 ശതമാനം വളർച്ച ഉണ്ടാകുമെന്ന പ്രതീക്ഷയുണ്ട്. എങ്കിലും എത്രത്തോളം കയറ്റുമതി ചെയ്യാൻ സാധിക്കുന്നു എന്നതിലും കമ്പനിയുടെ വളർച്ച ആശ്രയിക്കുന്നുണ്ട്.

Watch YouTube Channel Video

ഇപ്പോൾ സർക്കാരിന്റെ പി എൽ ഐ സ്‌കീം കമ്പനി നിർത്തലാക്കിയിട്ടുണ്ട്. ഇത് ഭാവിയിൽ മാർജിനിൽ സമ്മർദ്ദം ചെലുത്തിയേക്കാം എന്നാണ് ബ്രോക്കറേജ് വിലയിരുത്തുന്നത്. മാത്രമല്ല മറ്റു സെഗ്മെന്റുകളിലേക്ക് എത്രത്തോളം വളരാൻ സാധിക്കുന്നു എന്നതിനെ കൂടെ ആശ്രയിച്ചാണ് ഭാവിയിലെ വളർച്ച നില നിൽക്കുന്നത് എന്ന് അനലിസ്റ്റുകൾ വ്യക്തമാക്കുന്നു.

നോമുറ ഓഹരിക്ക് ബൈ എന്ന ശുപാർശ നൽകുമ്പോൾ ബൈ എന്ന റേറ്റിംഗ് ആണ് നൽകുന്നത്. ഓഹരിക്ക് ടാർഗറ്റ് വിലയായി 21152 രൂപ നൽകിയിട്ടുണ്ട്. നോമുറയും കമ്പനിയുടെ വരുമാന വളർച്ചയുടെ അനുമാനം വെട്ടി കുറച്ചു.

നുവാമ ഇൻസ്റ്റിറ്റ്യുഷണൽ ഇക്വിറ്റീസ് ഓഹരിക്ക് ഹോൾഡ് എന്ന റേറ്റിംഗ് ആണ് നൽകുന്നത്. ടാർഗറ്റ് വില 16000 രൂപയാണ് നൽകിയിട്ടുള്ളത്. അടുത്ത നാലു വർഷത്തിനുള്ളിൽ ഒരു ലക്ഷം കോടി രൂപയുടെ വരുമാനം പ്രതിവർഷം ഉണ്ടാക്കുന്നതിനുള്ള ശ്രമത്തിലാണ് കമ്പനി.

ഓഹരി വിപണിയിൽ ഇന്ന് ഒരു ശതമാനത്തോളം നഷ്ടത്തിൽ 16544 രൂപ നിരക്കിലാണ് ഓഹരി വ്യാപാരം ചെയുന്നത്. ഈ വർഷം ആരംഭിച്ചതിനു ശേഷം ഓഹരിയിൽ 8 ശതമാനത്തോളം ഇടിവാണ് റിപ്പോർട്ട് ചെയ്തിരിക്കുന്നത്.

വിവരങ്ങൾ സമാഹരിച്ചത് malayalam.economictimes.com ൽ നിന്നും

Article credits goes to malayalam.economictimes.com

Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല.