.jpg)
 (1).jpg)
എറ്റേണലും സ്വകാര്യ ബാങ്കുകളും കരുത്തായി, തിളക്കമില്ലാതെ കേരള ഓഹരികൾ
.jpg)
പുതുവാരത്തിന് നേട്ടത്തോടെ തുടക്കമിട്ട് ഇന്ത്യ സൂചികകള്‍. എച്ച്.ഡി.എഫ്.സി ബാങ്ക്, ഐ.സി.ഐ.സി.ഐ ബാങ്ക് തുടങ്ങിയ വന്‍കിട ഓഹരികളിലെ നേട്ടമാണ് വിപണിക്കും ഗുണമായത്. ഇതോടെ തുടര്‍ച്ചയായ രണ്ട് ദിവസത്തെ നഷ്ടക്കച്ചവടത്തിനും വിപണി വിരാമമിട്ടു. സെന്‍സെക്‌സ് 443 പോയിന്റ് ഉയര്‍ന്ന് 82,200.34ലും നിഫ്റ്റി 122 പോയിന്റ് ഉയര്‍ന്ന് 25,090.70ലുമാണ് വ്യാപാരം അവസാനിപ്പിച്ചത്.
ബെഞ്ച്മാര്‍ക്ക് സൂചികകളുടെ ഒപ്പം നില്‍ക്കുന്ന പ്രകടനമാണ് ബി.എസ്.ഇ മിഡ്ക്യാപ് സൂചികകളും കാഴ്ചവച്ചത്. ബി.എസ്.ഇ സ്‌മോള്‍ക്യാപ് സൂചിക നേരിയ നഷ്ടത്തിലാണ്.
ബി.എസ്.ഇയിലെ നിക്ഷേപകര്‍ക്ക് ഇന്ന് ഒറ്റ ദിവസത്തെ നേട്ടം രണ്ട് ലക്ഷം കോടി രൂപയാണ്.
എച്ച്.ഡി.എഫ്.സി ബാങ്ക്, ഐ.സി.ഐ.സി.ഐ ബാങ്ക് എന്നിവയുടെ പ്രതീക്ഷിച്ചതിലും മികച്ച ഒന്നാം പാദഫലങ്ങളാണ് വിപണിയില്‍ പോസിറ്റീവ് ഉണര്‍വുണ്ടാക്കിയത്. പാദഫലങ്ങള്‍ പുറത്തുവന്നതിനു പിന്നാലെ എച്ച്.ഡി.എഫ്.സി ബാങ്ക് രണ്ട് ശതമാനം ഉയര്‍ന്നു. ഐ.സി.ഐ.സി.ഐ ബാങ്ക് മൂന്ന് ശതമാനവും.
അതേസമയം, പാദഫലങ്ങള്‍ മോശമായതിനെ തുടര്‍ന്ന് എ.യു സ്‌മോള്‍ ഫിനാന്‍സ് ബാങ്ക്, ബന്ധന്‍ ബാങ്ക്, യൂണിയന്‍ ബാങ്ക് ഓഹരികള്‍ ഇടിവിലായി.
ഒന്നാംപാദഫലത്തെ തുടര്‍ന്ന് സൊമാറ്റോയുടെ മാതൃകമ്പനിയായ എറ്റേണല്‍ ഓഹരിയും ഇന്ന് മികച്ച മുന്നേറ്റം കാഴ്ചവച്ചു. ഏഴ് ശതമാനത്തോളമാണ് ഓഹരി ഉയര്‍ന്നത്.
അതേസമയം കഴിഞ്ഞ ദിവസം മികച്ച ലാഭം രേഖപ്പെടുത്തിയ റിലയന്‍സ് ഓഹരികള്‍ മൂന്ന് ശതമാനത്തോളം ഇടിവിലാണ്. ടി.സി.എസ്, ഐ.ടി.സി, എച്ച്.യു.എല്‍ ഓഹരികളും ഇന്ന് വിപണിയെ പിന്നോട്ട് വലിച്ചു.
ആഗോള വിപണികള്‍ സമ്മിശ്രപ്രകടനമാണ് കാഴ്ചവച്ചത്. ട്രംപിന്റെ വ്യാപാര ചുങ്കം തന്നെയാണ് പ്രധാന ആശങ്കയായി നില്‍ക്കുന്നത്.
ആവേശമില്ലാതെ കേരള ഓഹരികള്‍
കേരള വിപണികളില്‍ വലിയ ആവേശം കണ്ടില്ല. പാതിയിലധികം കമ്പനികള്‍ നേട്ടത്തില്‍ പിടിച്ചു നിന്നെങ്കിലും ആരും വലിയ മുന്നേറ്റമുണ്ടാക്കിയില്ല. ഈസ്റ്റേണ്‍ ട്രെഡ്‌സ് ആണ് നാല് ശതമാനത്തിലധികം ഉയര്‍ന്ന് കേരള ഓഹരികളില്‍ നേട്ടത്തില്‍ മുന്നിലെത്തിയത്. സെല്ല സ്‌പേസ്, ഇന്‍ഡിട്രേഡ്‌ ക്യാപിറ്റല്‍ എന്നിവ മൂന്ന് ശതമാനത്തിലധികം ഉയര്‍ന്നു. ആഡ്‌ടെക്, ടി.സി.എം. കെ.എസ്.ഇ, നിറ്റ ജെലാറ്റിന്‍ എന്നിവയും മോശമല്ലാത്ത പ്രകടനം കാഴ്ചവച്ചു.
ധനലക്ഷ്മി ബാങ്ക്, സി.എസ്.ബി ബാങ്ക്, കിറ്റെക്‌സ് എന്നിവ രണ്ട് ശതമാനത്തിലധികം ഇടിവുമായി കേരള കമ്പനികളില്‍ നിരാശപടത്തി. കേരള ആയുര്‍വേദ, പോപ്പീസ്, സ്‌കൂബിഡേ ഗാര്‍മെന്റ്‌സ്, വി-ഗാര്‍ഡ് എന്നിവയും ഇന്ന് നഷ്ടത്തിലാണ്.
വിവരങ്ങൾ സമാഹരിച്ചത് dhanamonline.com ൽ നിന്നും
Article credits goes to dhanamonline.com
Disclaimer അറിയിപ്പ് : മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. ഷെയർ വിലയിൽ മുമ്പ് ഉണ്ടായിട്ടുള്ള ഉയർച്ച ഭാവിയിൽ ഉണ്ടാകണം എന്നില്ല.സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഷെയർ മാർക്കറ്റ് ഇൻ മലയാളവും ലേഖകനും ഉത്തരവാദികളല്ല
.jpg )
 (1).jpg )
.jpg )
.jpg )
Recent Post
 (350 x 350 px).jpg)
 (1600 x 1600 px).jpg)
 (1600 x 1600 px) (350 x 350 px).jpg)
 (1600 x 1600 px) (350 x 350 px).jpg)
 (350 x 350 px).jpg)
Categories
Advertisements
Comment Form